ഇക്കാലത്തെ മുജാഹിദ് ജമാഅത്ത് വിഭാഗക്കാരെ കുറിച്ച് شوكاني പറഞ്ഞുവച്ചത്..

മുജാഹിദുകൾ ഏറെ ബഹുമാനിക്കുന്ന അവരുടെ നവോത്ഥാന നേതാക്കന്മാരിൽ എണ്ണിയ ( ഇസ്ലാഹി പ്രസ്ഥാന ചരിത്രത്തിനൊരാമുഖം എന്ന പുസ്തകത്തിൽ നിന്ന്), നെഞ്ചത്ത് കൈ കെട്ടാൻ അവരെ പഠിപ്പിച്ച അവരുടെ ഇമാമായ شوكاني  തൻറെ കിതാബായ البدر الطالع എന്ന ഗ്രന്ഥത്തിൽ على بن قاسم حنش  എന്ന മഹാൻറെ ചരിത്രം പറയുമ്പോൾ പറയുന്നത് ഇങ്ങനെയാണ്..

" ومن محاسن كلامه الذى سمعته منه الناس على طبقات ثلاث فالطبقة العالية العلماء الأكابر وهم يعرفون الحق والباطل وان اختلفوا لم ينشأ عن اختلافهم الفتن لعلمهم بما عند بعضهم بعضا والطبقة السافلة عامة على الفطرة لا ينفرون عن الحق وهم أتباع من يقتدون به ان كان محقا كانوا مثله وان كان مبطلا كانوا كذلك والطبقة المتوسطة هى منشأ الشر واصل الفتن الناشئة فى الدين وهم الذين لم يمعنوا فى العلم حتى يرتقوا الى رتبة الطبقة الأولى ولا تركوه حتى يكونوا من أهل الطبقة السافلة فانهم اذا رأوا أحدا من أهل الطبقة العليا يقول مالا يعرفونه مما يخالف عقائدهم التى أوقعهم فيها القصور فوقوا اليه سهام الترقيع ونسبوه الى كل قول شنيع وغيروا فطر أهل الطبقة السفلى عن قبول الحق بتمويهات باطلة فعند ذلك تقوم الفتن الدينية على ساق هذا معنى كلامه الذى سمعناه منه "

(മഹാനവർകളുടെ വാക്കുകളിൽ നിന്ന് ഞാൻ കേട്ട ഏറ്റവും നല്ല ഒരു കാര്യം എന്തെന്നുവെച്ചാൽو ജനങ്ങൾ മൂന്നു പദവിയിൽ ആയിട്ടാണ് നിലനിൽക്കുന്നത്

1) ഒന്നാമത്തെ വിഭാഗം വലിയ പണ്ഡിതന്മാർ അവർക്ക് ഹഖും ബീത്വിലും നന്നായി അറിയുന്നവരാണ് അവർ തമ്മിൽ അഭിപ്രായവ്യത്യാസം ഉണ്ടായാൽപോലും അവരുടെ അഭിപ്രായങ്ങളിൽ നിന്ന് ഉണ്ടാവുകയില്ല. കാരണം അവർക്കറിയാം എല്ലാവരുടെ അടുത്തും ഇല്മിൻറെ പല മേഖലകൾ ഉണ്ടാവുമെന്ന്. (അവരാണ് ഇമാമുമാർ)

2) രണ്ടാമത്തെ വിഭാഗം ഏറ്റവും താഴെത്തട്ടിലുള്ള നിഷ്കളങ്കരായ ജനങ്ങളാണ് അവർ സത്യസന്ധരായിരിക്കും. അവർ ആരെയെങ്കിലും പിന്തുടരുകയും അവർ പിന്തുടരപ്പെടുന്നവരുടെ പാതയിൽ തന്നെ നിലയുറപ്പിക്കുകയും ചെയ്യും. അവർ പിൻപറ്റുന്നവർ തെറ്റിൽ ആയാൽ ഇവർ തെറ്റിലും അവർ ശരിയിൽ ആയാൽ ഇവർ ശരിയിലും ആകും.

3) മൂന്നാമത്തെ വിഭാഗം മേൽപ്പറഞ്ഞ രണ്ടിനും മദ്ധ്യത്തിൽ ഉള്ളവരാണ് . അവരാണ് എല്ലാ കുഴപ്പത്തിനും അടിത്തറ. അവരാണ് ദീനിലെ കുഴപ്പക്കാർ. അവർ ഒന്നാം ഗ്രേഡിൽ എത്താവുന്നത്ര ഇൽമ് നേടുകയില്ല. താഴെ ഗ്രേഡിലുള്ള ആളാവാൻ താൽപര്യപ്പെടുകയുമില്ല. വലിയ പണ്ഡിതർ ഇവർക്ക് എതിരിൽ വല്ലതും പറഞ്ഞാൽ ആ മഹാന്മാരെ ആക്ഷേപിക്കുകയും നിഷേധിക്കുകയും ചെയ്യും. താഴെതട്ടിലുള്ള നിഷ്കളങ്കരായ ജനങ്ങളെ അവർ സത്യത്തെ തൊട്ട് തെറ്റിക്കുകയും ചെയ്യും. )

നോക്കൂ ശൗക്കാനി യുടെ വാക്കുകൾ മനസ്സിരുത്തി ചിന്തിച്ചാൽ മേൽപ്പറഞ്ഞ മൂന്നാമത്തെ വിഭാഗം ഇക്കാലത്ത് ജീവിക്കുന്ന മുജാഹിദ്-മൗദൂദി  വിഭാഗക്കാരെ പറ്റിയാണെന്ന് മനസ്സിലാക്കുന്നതിന് പ്രയാസമില്ല. കാരണം ശൗക്കാനി പറഞ്ഞതുപോലെ ഇൽമ് വേണ്ടത്ര നേടി അവർ മഹാന്മാരായ ഇമാമുമാരുടെ പദവി എത്താൻ ശ്രമിക്കുകയില്ല. എന്നാൽ വിവരമില്ലാത്തവരെ പോലെ ആവാൻ താല്പര്യപ്പെടുന്നില്ല. മറിച്ച് അവർ ചെയ്യുന്നത് എന്താണ്? അവർ മനസ്സിലാക്കിയത് മാത്രമാണ് ശരി എന്നു പറയുകയും അവർക്കെതിരിൽ പറഞ്ഞ ഇമാമുമാരെ തള്ളിക്കളയുകയും ശകാരിക്കുകയും നിഷേധിക്കുകയും, ഖുർആനും സുന്നത്തും വേണ്ടത്ര മനസ്സിലാക്കാത്തവരാണെന്ന് പരിഹസിക്കുകയും ചെയ്യുന്നതോടൊപ്പം സാധാരണക്കാരിൽ സംശയമെന്ന വിഷ വിത്തുപാകി സത്യത്തെ തൊട്ട് തെറ്റിക്കുകയും  ചെയ്യുന്നു.

ഒന്നുകിൽ പഠിച്ച് ഇമാമുമാരുടെ ഉന്നതിയിൽ എത്തുക, അല്ലെങ്കിൽ അറിവിൻറെ ആഴക്കടലിൽ മുങ്ങി വിജ്ഞാനത്തിൻറെ മുത്തുകൾ കരകതമാക്കിയ മഹാന്മാരായ ഇമാമുമാരെ അവലംബിക്കുക, എന്നുള്ളതാണ് ഒരു മുസ്ലിമിൻറെ മേലുള്ള ബാധ്യത. അർഹതയില്ലാതെ ഇൽമ് കൈകാര്യം ചെയ്യൽ ഹറാമാണെന്ന് പണ്ഡിതന്മാരുടെ ഏകാഭിപ്രായമാണ്. അല്ലാഹു ഉപകാരമുള്ള  ഇൽമ് നൽകി നമ്മെ അനുഗ്രഹിക്കട്ടെ..